Facilas Teni Kion Oni Flegis

Kio trankvilas, faculas teni; kio ankoraŭ ne signas, faculas prepari; kio estas fragila, facilas rompi; kio estas eta, facilas disigi. Agadu kiam ankoraŭ nenio ekzistas; kuracu kiam ankoraŭ ne venis konfuzo. Arbo de pluraj brakoj kreskas el eta semo; alta teraso ekas per unu plugo da tero; vojo de mil mejloj komenciĝas sub via propra piedo. Kiu agas, tiu fuŝas; kiu tenas, tiu perdas. Tial la saĝulo ne agas, do li ne fuŝas; li ne tenas, do li ne perdas. La homoj en siaj faroj kutime fiaskas proksime de la fino. Tenu la finon kiel la komencon, kaj ne estos malsukceso. Tial la saĝulo volas ne-voladon, ne trezoras maloftajn valoraĵojn; lernas ne-lernadon, riparas la erarojn de la homoj. Li helpas ĉiujn estaĵojn sekvi sian propran naturecon sen kuraĝi fari ion.